सुदुरपश्चिम प्रदेश सरकारले निर्माण गरिरहेका कंचनपुरका गौरबका योजनाहरुको भौतिक पुर्वाधार विकास मन्त्री पठानसिंह बोहराले शनिवार अनुगमन गर्नु भएको छ । कन्चनपुरको बेदकोट नगरपालिका वडा नं ६ चुनेपानी देखि मलास जाने सडकको ६ किलोमीटर ट्रयाक खोली ग्राभील गर्ने योजना र दैजी जोगबुडा सडक कालोपत्रे योजनाको मन्त्री बोहराले निरीक्षण र अनुगमन गर्नु भएको छ । बेदकोटको चुनेपानी सिद्धसरोवर गैरीखान सडक बन्ने भएपछि डडेल्धुरा मलासका जनता हर्षित भएका छन ।
सामान्य घरायसी सामान किन्न समेत पैदलै हिडेर कन्चनपुर आउनु पर्ने बाध्यता भोगिरहेका यहाका जनताका लागि यो सडक बरदान सावित भएको मलासका स्थानीय महादेव भट्टले बताउनु भएको छ । वहाले गैरीखान देखि डडेल्धुराको पर्शुराम नगरपालिकाको बसेनी र घुम्टेगडा जोड्ने भएकाले थप बजेट विनयोजन गरि बाकी रहेका सडक निर्माण गरिदिन समेत आग्रह गर्नुभएको छ । सडक निर्माण कार्यत्रको अनुगमन गर्दै सुदुरपश्चिम प्रदेशका भौतिक पुर्वाधार विकास मन्त्री पठानसिंह बोहराले गर्दै बाकी रहेको १८ सय मिटर सडकका लागि समेत बजेट बिनियोजन गरिने प्रतिबद्धता जनाउनु भएको छ ।
उच्चाकोटी वाइ आर जे भी निर्माण कम्पनीले २ करोड १९ लाखमा निर्माण गरिरहेको बेदकोटको चुनेपानी सिद्धसरोवर गैरीखान सडक निर्माणको २५ प्रतिशत काम सम्पन्न भइसकेको पुर्वाधार विकास कार्यालय कंचनपुरका प्राविधिक अधिकृत इन्जिनियर हेमराज भट्टले जानकारी दिनु भएको छ ।
यसै असार २९ गते ३ बर्षका लागि ठेक्का सम्झौता भइ असोज ४ गतेदेखि काम शुरु गरिएको यो योजनाको २५ दिनकै अवधिमा २५ प्रतिशत काम सम्पन्न भएकाले योजना आउदो २०७८ सालको दसैं सम्ममा सम्पन्न गरि हस्तान्तरण गर्ने ठेकेदार निरन्जन प्रसाद भट्टले बताउनु भएको छ ।
यसै गरि दैजी छेला लिपना १६ किलोमीटर कालोपत्रे सडकको पनि ८० प्रतिशत काम सम्पन्न भइसकेको पुर्वाधार विकास कार्यालय कन्चनपुरका प्रमुख धिरेन्द्र भट्टले जानकारी दिनु भएको छ । २०७४ साल भदौ देखि नागार्जुन निर्माण सेवाले काम गरिरहेको दैजी जोगबुडा सडक पुष मसान्त सम्ममा निर्माण गसिक्ने ठेकेदार ईश्वरी भट्टले बताउनु भएको छ । रु. १८ करोड ४९ लाखमा सम्झौता भएको यो योजना डिभिजन सडक कार्यालय कन्चनपुरले पुर्वाधार विकास कार्यालयलाई हस्तान्तरण गरिएको योजना हो । ओम प्रकाश पान्डेयले शुक्लफाटा खबरमा लेखेका छन ।