Monday, October 26, 2020

भारतबाट फर्किएका नेपाली भन्छन्– ‘दसैंको खर्च गाडीभाडामै सकियो’

- Advertisement -

भवानी भट्ट

कञ्चनपुर — भारतको बैंगलोरमा रोजगारी गर्ने कैलाली, टीकापुरका तिलक विक बुधबार कञ्चनपुरको गड्डाचौकी नाका हुँदै घर फर्किए । कोरोना महामारीकै बीचमा पनि भारतमै काम गरिरहेका उनी दसैं–तिहार नजिकिएसँगै घर आएका हुन् ।

कञ्चनपुरको गड्डाचौकी नाकामा बुधबार भारतबाट घर फर्किंदै गरेका नेपालीहरु । तस्बिर ः भवानी भट्ट

यसपटक उनले गाडीभाडामै धेरै रकम खर्चनुप¥यो । बैंगलोरबाट महेन्द्रनगर पुग्दा अरू बेला डेढ हजार भारुले पुग्ने गरेकोमा यसपटक ७ हजार भारु खर्च भएको तिलकले बताए । ‘बसभाडा मात्रै होइन, सीमामा आइपुग्दा बनबासा–गड्डाचौकीसम्म अटो रिक्साले पनि दोब्बर–तेब्बर भाडा लिए,’ उनले भने, ‘दुःख सहेर जोगाएको पैसा त बाटोमै सकियो ।’

तिलक ७ वर्षदेखि बैंगलोरको एक होटेलमा काम गरिरहेका छन् । उनी एक–डेढ वर्षमा घर फर्किन्छन् । यसपटक नाकामा जाँचका नाममा पनि अरू बेलाभन्दा धेरै सास्ती भोगे । सीमामा भारतीय भन्सारलाई ५० रुपैयाँ अतिरिक्त तिर्नुपरेको उनले बताए । भारतीय सुरक्षाकर्मीले जाँचका बहानामा घर फर्कने नेपालीबाट अहिले पनि रकम असुलिरहेको उनको भनाइ छ ।

बझाङ, तलकोटका फनबहादुर रोकाया पनि बुधबार केरलाबाट घर फर्किए । भारतमा कोरोना संक्रमण दिनप्रतिदिन बढिरहेको र काम पनि राम्ररी नचलेको भन्दै उनी फर्किएका हुन् । ‘कोरोनाका कारण काम पनि राम्ररी चलेको छैन,’ रोकायाले भने, ‘अलि–अलि ल्याएको खर्च पनि बाटैमा सकिएलाजस्तो भयो ।’

कोरोना महामारीका कारण भारतमा थुप्रै नेपालीले रोजगारी गुमाएका छन् । कतिपय न्यून ज्यालामा काम गरिरहेका छन् । यस्तो अवस्थामा चाडपर्वका बेला घर फर्किंदा लाग्ने खर्चले उनीहरू झनै मारमा परेका छन् । दसैं–तिहारका लागि जोगाएको रकम पनि बाटोमै खर्च हुन थालेको उनीहरूको भनाइ छ ।

केरलाबाट गड्डाचौकी पुग्दा ७ हजार भारु बसभाडामै सकिएको रोकायाले बताए । अरू बेला उनी अढाई–तीन हजार रुपैयाँमा घर पुग्थे । विगतका वर्षमा नेपाल–भारत दुवैतर्फका सुरक्षाकर्मीले बसहरूले लिएको बढी भाडा फिर्ता गराउने गरे पनि यसपालि त्यो हुन सकेको छैन ।

रोकाया केरलामा होटेलमा काम गर्छन् । उनले पनि बनबासाबाट गड्डाचौकी पुग्न अटो रिक्सामा ३ सय तिर्नुपरेको बताए । सामान्य अवस्थामा बनबासादेखि गड्डाचौकीसम्मको भाडा २० भारु मात्र हो । ‘हामीसँग नाकामै समेत बढी भाडा लिइएको छ,’ दार्चुलाको गोकुलेश्वरका दिनेश साउदले भने, ‘बनबासादेखि गड्डाचौकीसम्मको मात्रै ४ सय तिरेँ ।’

दसैं–तिहार नजिकिँदै गएपछि केही दिनयता भारतबाट घर फर्किनेको संख्या फेरि बढ्दै गएको छ । गड्डाचौकी नाकाबाट दैनिक ५०र६० जना भित्रिने गरेकोमा अहिले उक्त संख्या बढेर अढाईरतीन सय पुगेको छ ।

प्रतिक्रिया

- Advertisement -
- Advertisement -

सम्बन्धित समाचार

कोरोनाबाट जोगिएर दशैँ मनाउन मुख्यमन्त्री भट्टको आग्रह

डोटी  । सुदूरपश्चिम प्रदेशका मुख्यमन्त्री त्रिलोचन भट्टले कोरोनाबाट सुरक्षित रहेर दशैँ मनाउन आग्रह गरेका छन् । मुख्यमन्त्री भट्टले स्वास्थ्यको विशेष ख्याल गरेर यसपालिको दशैँ...

कोरोनाका कारण उपचारथ बझाङका एक सवारी चालकको मृत्यु

बझाङ- सुदूरपश्चिममा कोरोनाबाट थप १ जनाको मृत्यु भएको छ । जिल्ला अस्पताल बझाङमा उपचारका क्रममा मृत्यु भएका जयपृथ्वी नगरपालिका वडा नम्बर ८ बारिलका २८ वर्षीय...

कञ्चनपुरमा छोराको कुटपिटबाट आमा मृत्यु

महेन्द्रनगर ९ असोज । कञ्चनपुरमा छोराको निर्घात कुटपिटबाट आमा मृत्यु भएको छ । जिल्लाको पुनर्वास नगरपालिका वडा नम्बर ३ स्थित सुकुम्बासी बस्तीमा बस्दै आएका...

टिकाको शुभ साइत भोली विहान १०.१९ बजे

काठमाडौं। नेपाल पञ्चाङ्ग निर्णायक समितिले बडादशैँको टीकाको शुभ साइत कात्तिक १० गते सोमबार बिहान १०.१९ बजे उत्तम भनेको छ । यसैगरी देवी विसर्जनको साइत बिहान...

मोदीको सन्देश लिएर आएका थिए रअ प्रमुख गोयलः मुख्यमन्त्री पोखरेल

काठमाडौं, कार्तिक ८ लुम्बिनी प्रदेशका मुख्यमन्त्री तथा सत्तारुढ नेकपाका स्थायी समिति सदस्य शंकर पोखरेलले भारतीय गुप्चर संस्था रअका प्रमुख सामन्तकुमार गोयल भारतीय प्रधानमन्त्री नरेन्द्र मोदीको...

पुर्व राज्यमन्त्री रावलको पुर्वाधार विकास कार्यक्रमबाट चुरे फेदका बस्तीमा भुमिगत बोरिङ

मदन गिरी महेन्द्रनगर ७ असोज । कञ्चनपुरको भीमदत्त नगरपालिका–३ को राधाकृष्ण टोलमा सिचाँईका लागि भुमिगत बोरिङ जडान गरिएको छ । सुदुरपश्चिम प्रदेशको उद्योग वन वातावरण तथा पर्यटनमन्त्री...

आफ्नोे दशैंभत्ता स्वास्थ्यचौकीलाई दिने बाजुराको बडीमालिका–७ का जनप्रनिधिको निणर्य

बाजुराः बाजुराको बडीमालिका नगरपालिका–७ का वडाअध्यक्ष धर्मराज पाध्याय लगायतका वडा सदस्यहरुले आफुले पाउने दशैंभत्ता स्वास्थ्यचौकीको स्तरोन्नतिका लागि दिने भएका छन्। वडाअध्यक्ष धर्मराजले आफुले दसैंभत्ता वाफत...

‘बोर्डिङ स्कूलले शुल्क उठाए, शिक्षकलाई तलब दिएनन्’

६ कात्तिक, काठमाडौं । निजी तथा संस्थागत विद्यालयमा कार्यरत अधिकांश शिक्षक–कर्मचारीहरूले यो दसैं बोनस पाएनन् । संस्थागत विद्यालय शिक्षक युनियन (इस्टु) का अध्यक्ष होमकुमार...
- Advertisement -
- Advertisement -
- Advertisement -
- Advertisement -
प्रतिक्रिया