Monday, October 26, 2020

कञ्चनपुरमा घरेलु उद्योग दर्ता गर्ने बढे

- Advertisement -

महेन्द्रनगर । कञ्चनपुरमा लकडाउनपछि घरेलु तथा साना उद्योग व्यवसाय बढेका छन् । कोरोना संक्रमणपछि गरिएको लकडाउन खुलेपछि उद्यम व्यवसाय दर्ता हुने क्रम बढेको छ । घरेलु तथा साना उद्योग कार्यालय महेन्द्रनगरमा पछिल्लो समय व्यवसाय दर्ता गर्ने सेवाग्राही बढेको कार्याललका अधिकृत धर्मानन्द भट्टले बताए ।

घरेलु तथा साना उद्योग कार्यालयमा दैनिक ३५ देखि ५० नयाँ फर्म दर्ता हुने गरेको उनले जानकारी दिए । कार्यालयको तथ्यांक अनुसार चालू आर्थिक वर्ष २०७७/७८ को पहिलो महीना साउनमा मात्रै २१९ ओटा नयाँ फर्म दर्ता भएका छन्, जसमा उद्योगतर्फ १०८ र वाणिज्यतर्फ १११ व्यावसायिक फर्म रहेको छ ।

‘पछिल्लो समय व्यावसायिक फर्म दर्ता गराउनेको संख्या एकदमै बढ्दो छ,’ अधिकृत भट्टले भने, ‘भदौ महीनामा पनि साउनको भन्दा बढी व्यवसाय दर्ता भएका छन् ।

दैनिक सेवाग्राहीको कामको चापले रेकर्ड राख्न समेत सकेका छैनौं ।’ दर्ता हुनेमा अधिकांश कृषि तथा पशुपन्छीपालन क्षेत्रका फर्महरू रहेको अधिकृत भट्टको भनाइ छ ।

कार्यालयले साउनमा उद्योग दर्ताबाट १ लाख ९० हजार र नवीकरण तथा अन्यबाट २ लाख ६८ हजार गरी ४ लाख ५९ हजार रुपैयाँ राजस्व संकलन गरेको छ । साउनमा दर्ता भएको उद्योगतर्फका फर्ममा १४३ महिला र २९१ जना पुरुषले रोजगारी पाएको कार्यालयको तथ्यांक छ ।

त्यस्तै वाणिज्यतर्फबाट कार्यालयले प्राइभेट फर्म दर्ताबाट १ लाख ५४ हजार, नवीकरणबाट ४ लाख ८२ हजार र फर्म संशोधनबाट ७० हजार राजस्व संकलन गरेको छ । कञ्चनपुरमा गत आर्थिक वर्षमा वाणिज्यतर्फ ७५६ र उद्योगतर्फ ६५४ ओटा फर्म दर्ता भएको कार्यालयले बताएको छ । कोरोना संक्रमणपछि युवा जनशक्ति विदेशबाट फर्केकाले नयाँ फर्म दर्ता गर्ने सेवाग्राही बढेको हुन सक्ने कार्यालयका अधिकृत भट्टको अनुमान छ ।

सस्तो ऋणका लागि फर्म दर्ता
कञ्चनपुरको बेलौरी नगरपालिका–६ की मिरा विष्टले सोमवार ‘प्राची कृषि तथा पशुपन्छीपालन’ नाममा फर्म दर्ता गराइन् । घरेलु तथा साना उद्योग कार्यालयमै भेटिएकी व्यवसायी विष्टले सस्तो ब्याजदरमा कर्जा निकाल्न सकिने भएकाले फर्म दर्ता गरेको बताइन् । ‘घरमा गाई, बाख्रापालन गरेकी छु । अब कुखुरा पनि पाल्ने योजना छ,’ उनले भनिन्, ‘व्यवसाय गर्न ऋण निकाल्नैपर्छ । व्यवसाय दर्ता गरेपछि सस्तो ब्याजदरमा कर्जा पाइने सुनेकाले दर्ता गराएकी हुँ ।’

त्यस्तै बेलौरी–६ कै स्थानीय हरि सिंह विष्टले पनि सोमवार नै ‘सावित्री कृषि तथा पशुपन्छी फार्म’ दर्ता गरे । व्यवसायका लागि सुलभ ब्याजदरमा ऋण पाइने भएकाले आपूmले कृषिफार्म दर्ता गरेको उनले बताए । कृषि कर्जा लिएर माछा तथा कुखुरापालन गर्ने उनको योजना छ ।

यस्तै शुक्लाफाँटा नगरपालिका–११ की माधव देवी पन्तले पनि व्यावसायिक कर्जाका लागि फर्म दर्ता गरेको बताइन् । बैंक तथा वित्तीय संस्थाले सहुलियत ब्याजदरमा ऋण उपलब्ध गराउनुपर्ने व्यवस्था सरकारले गरेको छ ।

प्रतिक्रिया

- Advertisement -
- Advertisement -

सम्बन्धित समाचार

दशैंको मुखमा भजनीका बाढीपिडीतहरुलाई निड्स नेपालको राहत बितरण

कैलाली भजनी नगरपालिकाका बाढी प्रभावितहरुलाई निड्स नेपालले दशैको मुखमा खाधान्न तथा गैर खाधान्न राहत साम्रगी बितरण गरेको छ । भजनी नगरपालिकाको सहकार्य तथा समन्वयमा...

कैलालीमा २ किशोरीमाथि सामूहिक बलात्कार, ८ जना पक्राउ

कैलालीमा २ किशोरीमाथि सामूहिक बलात्कार भएको छ । जिल्लाको जानकी गाउपालिका वडा नम्बर ५ मा १३ र १४ वर्षीया किशोरीमाथि सामूहिक बलात्कार भएको प्रहरीले...

दशैंमा कञ्चनपुरका सीमानाका सुनसान

महेन्द्रनगर । चाडपर्वका बेला गन्तव्यमा जाने यात्रुहरूको चाप हुने कञ्चनपुरका गड्डाचौकी र त्रिनगर नाका यस वर्ष भने कोरोना महामारीका कारण सुनसानप्रायः छन् । सुदूरपश्चिमको रोजगारीको...

जंगल सफारी खुला भयो शुक्लफाँटा राष्ट्रिय निकुञ्जमा

कञ्चनपुर । शुक्लफाँटा राष्ट्रिय निकुञ्जमा पर्यटकका लागि जंगल सफारी र जंगल वाक खुला गरिएको छ । निकुञ्ज कार्यालयले सार्वजनिक सूचना जारी गर्दै सुरक्षाका मापदण्ड पालना...

कोरोनाबाट जोगिएर दशैँ मनाउन मुख्यमन्त्री भट्टको आग्रह

डोटी  । सुदूरपश्चिम प्रदेशका मुख्यमन्त्री त्रिलोचन भट्टले कोरोनाबाट सुरक्षित रहेर दशैँ मनाउन आग्रह गरेका छन् । मुख्यमन्त्री भट्टले स्वास्थ्यको विशेष ख्याल गरेर यसपालिको दशैँ...

कोरोनाका कारण उपचारथ बझाङका एक सवारी चालकको मृत्यु

बझाङ- सुदूरपश्चिममा कोरोनाबाट थप १ जनाको मृत्यु भएको छ । जिल्ला अस्पताल बझाङमा उपचारका क्रममा मृत्यु भएका जयपृथ्वी नगरपालिका वडा नम्बर ८ बारिलका २८ वर्षीय...

कञ्चनपुरमा छोराको कुटपिटबाट आमा मृत्यु

महेन्द्रनगर ९ असोज । कञ्चनपुरमा छोराको निर्घात कुटपिटबाट आमा मृत्यु भएको छ । जिल्लाको पुनर्वास नगरपालिका वडा नम्बर ३ स्थित सुकुम्बासी बस्तीमा बस्दै आएका...

टिकाको शुभ साइत भोली विहान १०.१९ बजे

काठमाडौं। नेपाल पञ्चाङ्ग निर्णायक समितिले बडादशैँको टीकाको शुभ साइत कात्तिक १० गते सोमबार बिहान १०.१९ बजे उत्तम भनेको छ । यसैगरी देवी विसर्जनको साइत बिहान...
- Advertisement -
- Advertisement -
- Advertisement -
- Advertisement -
प्रतिक्रिया