महेन्द्रनगर ९ अशोज ।
सुदूरपश्चिम फामेर्सी संगठनले विश्व फार्मासिस्ट दिवस मनाएको छ । संगठनले दिवसको अवसरमा फलफुल तथा औषधि वितरण गरेको छ ।
शुक्रबार दिवसको अवसरमा संगठनले वेदकोट नगरपालिकाको रौटेलास्थित वृद्ध सेवा केन्द्रलाई औषधी र फलफुल वितरण गरेको हो ।
कञ्चनपुरका युवा फार्मासिस्ट ईन्द्र साउदले दिवसको अवसरमा फलफुलसँगै औषधि वितरण गरेको बताए ।
उनका अनुसार संगठनले सेवा केन्द्रका वृद्धवृद्धालाई आवश्यक औषधीसँगै फलफुल वितरण गरेको हो ।
उक्त कार्यक्रममा संगठनका अध्यक्ष प्रकास महारासँगै लगायतका फार्मासिस्ट केशब ओझा, सुबोध चटौत लगायतको उपस्थिति रहेको थियो ।
‘औषधी तथा औषधीजन्य पदार्थ र औषधी’सँग सम्बन्धि जनशक्तीको समुचित प्रयोग भन्ने मुल नाराका साथ फार्मेसी संगठनले विश्व फार्मासिस्ट दिवस मनाएको हो ।