Monday, October 26, 2020

मन्त्रिमण्डल पुनगर्ठनको तयारीमा प्रधानमन्त्री ओली, ७–१० नयाँ मन्त्री थपीदै

- Advertisement -

काठमाडौं संघीय मन्त्रिमण्डल पुनगर्ठन गर्न अझै केही समय लाग्ने भएको छ। सचिवालय बैठकले मंगलबार पार्टी एकताको बाँकी काम १० दिनमा सक्ने निर्णय गरेपछि मन्त्रिमण्डल परिवर्तन केही पर धकेलिने नेताहरु बताउँछन्।

प्रधानमन्त्री केपी शर्मा ओली र कार्यकारी अध्यक्ष पुष्पकमल दाहालनिकट स्रोतहरुका अनुसार अब दशैँपछि मात्र मन्त्रिमण्डल पुनर्गठन हुने देखिन्छ।

‘अब दशैँअघि मन्त्रिमण्डल पुनर्गठन हुने सम्भावना न्यून हुँदै गएको हो कि भन्ने लागेको छ,’ एक सचिवालय सदस्यले भने, ‘दशैँ नजिकै आइसक्यो। पार्टी एकताको बाँकी काम सक्न दश दिन समय लिएपछि बाँकी समयले नपुग्ला।’

प्रधानमन्त्री ओली मन्त्रिमण्डल पुनर्गठनलाई पछि धकेल्ने मनस्थितिमा रहेको उनीनिकट एक मन्त्रीले बताए।

‘प्रधानमन्त्रीले अझै केही समयपछि मात्र मन्त्रिमण्डल पुनर्गठन गर्ने बताउनुभएको छ,’ एक मन्त्रीले भने।

प्रचण्डनिकट नेताहरु पनि पार्टी एकताको काम सकेर मात्र मन्त्रिमण्डल पुनर्गठन गर्ने मनस्थितिमा दुवै अध्यक्ष पुगेको बताउँछन्।

‘मन्त्रिमण्डल पुनर्गठन अब दशैँपछाडि जाने देखियो,’ एक स्थायी समिति सदस्यले भने, ‘त्यस विषयमा प्रधानमन्त्रीसँग छलफल भएपनि टुंगिएको छैन, अब अलि पछि नै जाला जस्तो देखिन्छ।’

प्रचण्ड तत्काल मन्त्रिमण्डल पुनर्गठन गरेर सरकारलाई गति दिनुपर्ने अडानमा छन्। तर, नजिकिँदै गरेको दशैँ र मन्त्री बन्ने आकांक्षी धेरै भएपछि यसलाई समय दिन उनी सहमत भएको प्रचण्डनिकट नेताहरु बताउँछन्।

वरिष्ठ नेता झलनाथ खनालले भने दशैँअघि नै मन्त्रिमण्डल पुनर्गठन हुनसक्ने सम्भावना बाँकी नै रहेको बताए।

‘दशैँअघि पुनर्गठन हुनपनि सक्छ, उहाँहरु (ओली–प्रचण्ड)ले आपसी सल्लाह गरेर हामीसँग छलफल गर्नुभयो भने हुन्छ,’ खनालले भने।

प्रधानमन्त्रीनिकट स्रोतका अनुसार ७ देखि १० जना नयाँ मन्त्री बनाउने तयारी छ। त्यसमा कार्य सम्पादन क्षमता र वरिष्ठतालाई मुख्य मापदण्ड बनाइने छ।

प्रधानमन्त्री ओलीले सरकारको कामलाई तीव्रता दिने भन्दै मन्त्रिमण्डल पुनर्गठन गर्न लागेका हुन्। यसका लागि प्रधानमन्त्रीबाहेक सबै परिवर्तन गर्ने, २ वर्ष पुगेकाहरु सबै हटाएर नयाँ ल्याउने र आंशिक परिवर्तन गर्ने गरी तीन विकल्पमा छलफल चलेको थियो।

भदौ २६ गते बसेको स्थायी समितिको बैठकले तत्काल मन्त्रिमण्डल पुनर्गठन गर्ने निर्णय गर्दै अन्तर पार्टी निर्देशिका जारी गरेको थियो।

नेकपाको आइतबार बसेको सचिवालय बैठकको मुख्य एजेन्डा मन्त्रिमण्डल पुनर्गठन थियो। बैठकले मन्त्रीहरुको मापदण्ड निर्धारण गर्ने जिम्मा अध्यक्षद्वयलाई दिएपछि सोमबार ओली र प्रचण्डले बालुवाटारमा छलफल पनि गरेका थिए।

तर, मंगलबार बसेको सचिवालय बैठकमा मन्त्रिमण्डल परिवर्तन गर्ने विषयमा सामान्य बाहेक छलफल नै नभएको प्रवक्ता नारायणकाजी श्रेष्ठले बताए।

श्रेष्ठले पनि छिटोभन्दा छिटो मन्त्रिमण्डल पुनर्गठन गरेर सरकारको कामलाई गतिदिन सचिवालयले सुझाव दिएको बताए।

‘मन्त्रिमण्डल पुनर्गठनबारे मुख्यतः प्रधानमन्त्रीले सोच्नुपर्छ,’ श्रेष्ठले भने, ‘यसबारे स्थायी समितिको सर्वसम्मत निर्णय र अहिले सचिवालयको निर्णय पनि सरकारको काम अझ व्यवस्थित र प्रभावकारी बनाउन छिटो भन्दा छिटो सरकार पुनर्गठन गर्नुपर्छ भन्ने हो।’

मन्त्रिमण्डल पुनर्गठन गर्दा कसरी गर्ने भन्ने विषयमा ओली र प्रचण्डबीच सहमति जुट्न बाँकी छ।

सोमबार यही विषयमा छलफल गर्न बालुवाटारमा ओली–प्रचण्डबीच छलफल भएको थियो तर, कतिजना फेर्ने, कसकसलाई मन्त्रीमै राखिराख्ने भन्ने विषयमा सहमति जुटेको छैन। सहमतिका लागि केही समय लाग्ने नेताहरुको भनाइ छ।

मंगलबारको बैठकले १० दिनमा पार्टी एकताको सबै काम सक्ने निर्णय गरेको छ। त्यसका लागि कार्ययोजना ल्याउन सचिवालयले अध्यक्षद्वय र महासचिवलाई जिम्मेवारी दिएको छ।

प्रतिक्रिया

- Advertisement -
- Advertisement -

सम्बन्धित समाचार

आज दसैंको मुख्य दिन, टीका लगाउने उत्तम साइत १०ः१९ बजे

१० कात्तिक, काठमाडौं । नेपालीहरुको महान चाड विजयादशमीको आज मुख्य दिन, मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका र समृद्धिको प्रतीक...

कोरोनाबाट जोगिएर दशैँ मनाउन मुख्यमन्त्री भट्टको आग्रह

डोटी  । सुदूरपश्चिम प्रदेशका मुख्यमन्त्री त्रिलोचन भट्टले कोरोनाबाट सुरक्षित रहेर दशैँ मनाउन आग्रह गरेका छन् । मुख्यमन्त्री भट्टले स्वास्थ्यको विशेष ख्याल गरेर यसपालिको दशैँ...

क्यान्सर रोगीले खानैपर्ने पेय

क्यान्सर भन्नेबित्तिकै एउटा ठूलो रोगको रूपमा हामी सबैले बुझेका हुन्छौं । तर प्रारम्भिक दिनमै ठम्याएर उपचार गर्नसके क्यान्सर पूरै निको हुन सक्छ । यो...

मोदीको सन्देश लिएर आएका थिए रअ प्रमुख गोयलः मुख्यमन्त्री पोखरेल

काठमाडौं, कार्तिक ८ लुम्बिनी प्रदेशका मुख्यमन्त्री तथा सत्तारुढ नेकपाका स्थायी समिति सदस्य शंकर पोखरेलले भारतीय गुप्चर संस्था रअका प्रमुख सामन्तकुमार गोयल भारतीय प्रधानमन्त्री नरेन्द्र मोदीको...

आज महानवमी: दुर्गा भवानीको पूजा आराधना

काठमाडौं ः आज महानवमी पर्व दुर्गा भवानीको पूजा आराधना गरी मनाइँदैछ।​ महानवमीका दिनमा गरिने दुर्गा पूजालगायतका कार्य गरी घटस्थापनाका दिनमा राखिएको जमरा विभिन्न शक्तिपीठमा लगी...

पुर्व राज्यमन्त्री रावलको पुर्वाधार विकास कार्यक्रमबाट चुरे फेदका बस्तीमा भुमिगत बोरिङ

मदन गिरी महेन्द्रनगर ७ असोज । कञ्चनपुरको भीमदत्त नगरपालिका–३ को राधाकृष्ण टोलमा सिचाँईका लागि भुमिगत बोरिङ जडान गरिएको छ । सुदुरपश्चिम प्रदेशको उद्योग वन वातावरण तथा पर्यटनमन्त्री...

आज बडा दशैंको सातौं दिन, फूलपाती भित्र्याइँदै

काठमाडौँ, ७ कात्तिक । आश्विन शुक्ल सप्तमीका दिन आज अपराह्न घरघरमा स्थापना गरिएको नवदुर्गा एवं दशैँ घरमा फूलपाती भित्र्याइँदै छ । प्रत्येक वर्ष दुर्गा पक्ष...

पूर्वमन्त्री गोकुल बास्कोटा र उनकी श्रीमतीलाई कोरोना पुष्टि

काठमाडौं ः पूर्वमन्त्री गोकुल बास्कोटालाई कोरोना संक्रमण भएको छ। बिहीबार दिउँसो एक ट्विटर र फेसबुकमार्फत उनले आफू र श्रीमती तारा मानन्धरलाई कोरोना संक्रमण पुष्टि...
- Advertisement -
- Advertisement -
- Advertisement -
- Advertisement -
प्रतिक्रिया