कोरोनाले सबकि दुख सन्सार हिलाइ दियो।
सोचेको सपना सबै मट्टि मिलाइदियो।।
किस्तामा गाडि छ दाइकि इन्जन खियालाग्यो।
कसेर तिर्नु हो कर्जा चोट त हिया लाग्यो।।
भाइले ठुलो होटल खोल्यो बैकका रिनले।
सबैकि बिच्लि पाडि स्याप खान्या चिनले।।
घर जोइ ल्या पैसा भन्दि साउले भन्छ ब्याज।
दिनभरि गरेको कमाइ खान पुग्दैन प्याज।।
फाइनेन्स मा आटो रिक्सा कमाइ छैन कति।
लोकडाउनले सताइहाल्यो रोगलै बड्यो अति।।
देउदेबताकि जात लै रोकि खाइदिया जात गोरा।
धन्यहो कलिकि भाबि कस्या कोरेइ होरा।।
जापानको भिसालाग्यो डिग्री गर्या छोरा ।
नै दुत्या फुलकिमाला नै दसैका जोरा।।
ईन्डिया नौकरि गथ्या कोरोनाले छाडि।
कोइ त आजि रुनपैर्यान बिदेस मुल्क खाडि।।
सचेत रया सजग रया का पिर्ता लाउन्याहो।
कन्ज्याब चाइनेज बिमार काल बनि आउन्या हो।
देउडा गायक दिपकराज बडु स्याडि दुर्गास्थान पुजारागाउ