Monday, September 28, 2020

‘उत्कृष्ट’ मुलुकको सामान्य जीवनशैली, हामीले के सिक्ने ?

- Advertisement -

काठमाडौं । दैनिक भागदौडको जिन्दगीमा हामीले आफ्नो काम, कर्तव्य र जिम्मेवारीलाई यतिसम्म भुल्छौं कि दैनिक हुने नियमित कामबाहेक अरू काम हाम्रो स्मरण आउनै पाउँदैन ।

कार्यालयीय कामपछि हाम्रो फुर्सदिलो समय विद्युतीय सामग्रीको प्रयोगमा नै बित्ने गर्छ । पर्याप्त व्यायाम, स्वस्थ र सन्तुलित आहार एवं गहिरो निद्राको बारेमा हामी चिन्ता लिँदैनौं । या त कार्यालयीय काम या अनुत्पादक क्षेत्रमा विद्युतीय उपकरणसँग नै बित्ने हाम्रो दिनले हामीलाई कत्तिको फाइदा गर्ला ?

भागदौडलाई नियन्त्रण गरेर फरक किसिमले जीवन जिउने विश्वका कतिपय मुलुकहरू उदाहरणीय छन् । विश्वका कतिपय देश र कम्पनीले बिहान ९ बजेदेखि ६ बजेसम्मलाई कार्यालय समयको रूपमा तोकेका हुन्छन्, जुन हाम्रोभन्दा धेरै हो ।

विश्वमा कतिपय यस्ता संस्थाहरू पनि छन् जसले विश्वभरका मानिसहरूको जीवनशैलीलाई समेत सूचक मानेर उत्कृष्ठ मुलुकहरूको सूची तयार पार्ने गरिएको छ । यही जीवनशैली सम्बन्धी विषयलाई आधार मानेर नै कस्तो जीवनशैली भएका मुलुकका मान्छे धेरै समय बाँचे भनेर समेत रिपोर्ट तयार पार्ने गरिएको छ ।

कमजोर र छोटो निन्द्रा राम्रो स्वास्थ्यका लागि हानिकारक रहेको चिकित्सकहरू बताउँछन् । किनकि अनुसन्धानले देखाएअनुसार पर्याप्त निद्रा नपाउनेहरूलाई टाइप २ मधुमेह, उच्च रक्तचाप, मोटोपना, श्वासप्रश्वास सम्बन्धी रोग आदिको जोखिम बढी हुन्छ । त्यसैले को कति सुत्छ र कति गहिरो निद्रा सुत्छ भन्ने आधारमा पनि जीवनशैलीको व्याख्या गर्ने गरिएको पाइन्छ ।

बेलायतबाट प्रकाशित हुने इन्डिपेन्डेन्टको रिपोर्ट अनुसार उत्कृष्ट जीवनशैलीको आधारमा सबैभन्दा अघि नर्वेलाई राखिएको छ । त्यहाँको औषत् उमेर ८२ वर्ष छ । दोस्रोमा अस्ट्रेलिया, तेस्रोमा डेनमार्क, चौथोमा स्विट्जरल्याण्ड, पाँचौंमा क्यानडा, छैटौंमा स्विडेन, सातौंमा न्युजिलेण्ड, आठौंमा फिनल्याण्ड र नवौंमा संयुक्त राज्य अमेरिका परेका छन् ।

जीवनशैलीको लागि उत्कृष्ट भनिएका मुलुकहरूले सिकाएको पाठ भनेको कार्यालयीय कामका अलावा धेरै समय प्रकृतिसँग रमाउनुपर्छ, शारीरिक अभ्यास हुने काम गर्नुपर्छ र खानपिन पौष्टिक हुनुपर्छ भन्ने नै हो । नर्वे होस् या डेनमार्कका मानिसहरू सम्भवभएसम्म छोटो दुरीको लागि पैदल हिँड्ने र लामो दुरीको लागि साइकलको प्रयोग गर्ने गर्छन् ।

हामीले द इन्टिपेन्डेन्टको रिपोर्ट अनुसार सबैभन्दा उत्कृष्ट जीवनशैली अपनाउने नर्वेको जीवनशैली कस्तो छ ? भन्नेमा सामान्य व्याख्या उल्लेख गरेका छौं ।

– नर्वेका नागरिकको लागि सहज र आफ्नो शरीरलाई सहज हुने खालको पहिरन नै पोषाकको आचार संहिता हो । त्यहाँ कुनै नाटकीय हिसाबले महँगा र ब्राण्डेड कपडालाई ध्यान दिइँदैन ।

– अर्काे उनीहरूको मुख्य जीवनशैली भनेको फुर्सदिलो समयको सदुपयोग हो । नर्वेमा कार्यालय समय भनेको बिहान नौ बजेदेखि साँझ ५ बजेसम्म हो । हप्तामा शनिबार र आइतबार बिदा हुन्छ भने क्रिसमस, इस्टर जस्ता पर्वमा त्यहाँ बिदा हुन्छ । यस्तो बिदाको समयमा उनीहरू तनावरहित तरिकाले समय बिताउने गर्छन् ।

–यस्तो फुर्सदिलो समयमा उनीहरू फुटबल खेल्ने, साइक्लिङमा जाने, स्विमिङ गर्ने जस्ता काममा लाग्ने गर्छन् । फुर्सदको समयमा उनीहरू हिँड्न नै धेरै मन पराउँछन् । खुल्ला ठाउँमा छोटो र लामो दुरीमा हिँड्ने, हिमाल आरोहण जस्ता काममा उनीहरू मन पराउँछन् । फुर्सदको समयमा उनीहरूले शरीरलाई आवश्यक पर्ने अभ्यास पनि हुने खालका मनोरञ्जनात्मक काममा नै समय खर्च गर्ने गर्छन् ।

–उनीहरू यात्रा मनपराउँछन् । रेस्टुरेन्टमा बसेर आफ्नो रैथाने खाना खाने, साथीभाइमा नयाँ योजनाको बारेमा छलफल गर्ने जस्ता काम नर्वेजीयनहरूको विशेषता हो । खानेकुरामा मुख्यतः उनीहरू समुद्री खानालाई बढी महत्व दिन्छन् । नर्वेजीयन खाना भियतनामदेखि सोमालियासम्म विस्तार भइसकेको द इण्डिपेन्डेन्ट्सले उल्लेख गरेको छ ।

दशौं स्थानको नेदरल्याण्ड ः समयनिष्ठ व्यवहार

अर्काेतर्फ द इन्डिपेन्डेन्ट्सको उत्कृष्ठ जीवनशैली भएको मुलुकहरूको सूचीमा १० औं स्थानमा परेको मुलुक हो नेदरल्याण्ड । त्यहाँको संस्कृतिलाई डच संस्कृति भन्ने गरिन्छ ।

डच संस्कृतिमा समयनिष्ठ व्यवहार अत्यन्त महत्वपूर्ण छ । यदि तपाईं आफ्नो साथीहरूसँग भेट गर्दै हुनुहुन्छ र पाँच मिनेट मात्रै ढिला आउनु भयो भने पनि त्यो अक्षम्य गल्ती ठहरिने छ । एकदमै निकट मित्रले केही समयको लागि क्षमा दिन सक्ला । अरूबाट त्यस्तो छुट हुँदैन ।

डचहरूमा कफीको शोख अत्यन्तै हुन्छ । यो उनीहरूको जीवनको महत्वपूर्ण अंश हो भन्दा पनि फरक नपर्ला । किनकि हरेक दिन बिहानको १०ः३० बजेदेखि ११ बजेसम्मको समयलाई उनीहरूले कफी टाइमको रूपमा नै छुट्याएका हुन्छन् । कफी नपिउने मान्छे सामाजिक बन्न गाह्रो हुन्छ नेदरल्याण्डमा ।

दिउँसो ३ बजेदेखि ४ बजेसम्म अपराह्नको चिया समयको रूपमा छुट्याउने गरिन्छ । यो समयमा चिया या कफीबाहेक अरू पेय पदार्थ खानको लागि छुट हुँदैन । त्यो समयपछि केही समय आराम गर्नको लागि पनि समय छुट्टयाउने गरिन्छ ।

लक्जेम्बरको संस्कृति

कतिपय अध्ययनले पश्चिमी युरोपको एउटा सानो भूपरिवेष्ठित मुलुक लक्जमबर्गलाई पनि उत्कृष्ट जीवनशैली भएको मुलुकको सूचीमा पहिलो स्थानमा राख्ने गरेको छ । स्लिपजंकी नामक संस्थाले कुल १०० अंकलाई सर्वाधिक अंक मानेर गरेको विश्लेषणमा यो मुलुकले ८५.२ प्रतिशत प्राप्त गरेको थियो ।

यस्तो विश्लेषण हरेक वर्ष एक दिनमा काम गर्ने कुल समय, कुल बिदाको दिन, त्यहाँको मानिसको स्वास्थ्य अवस्था, उनीहरूको निद्राको अवस्था आदिलाई आधार मान्ने गरिन्छ ।

नेपालमा व्यवस्थापनको अभाव

माथि उल्लेखित मुलुकको संस्कृतिलाई आधार मान्दा नेपाली संस्कृति पनि त्यहाँको भन्दा कम छैन । मानवशास्त्र केन्द्रीय विभागका विभागीय प्रमुख डम्बर चेम्जोङ नेपालमा विकासे मानसिकताले गर्दा सामाजिक विकास र समाज सुधारको काम उल्लेख्य रूपमा विकास हुन नसकेको बताउँछन् । उनी हामी जीवन जिउन नजानेर भन्दा पनि अरूको शैली अपनाउँदै हिँड्ने धुनमा आफ्नो पनलाई बिर्सिएकोले सुखी र खुसी हुन नसकेको बताउँछन् ।

नेपालको कार्यालय समय जीवनशैलीमा अब्बल ठहरिएका मुलुकहरूको भन्दा कम छ । मनोरञ्जनको लागि उनीहरूको भन्दा रोचक र उत्कृष्ट कला संस्कृति हाम्रो छ । तर हामी त्यो पुरानो संस्कृतिलाई अपनाउँदैनौं र अरूको सिको गर्न खोज्दा हामीले दुःख पाएको जानकारहरू बताउँछन् ।

विलासी सवारीमा कार्यालय जाने र कार्यालय समय सकिएपछि घरभित्र नै समय बिताउने जीवनशैलीका कारण पनि विभिन्न समस्याहरू सिर्जना हुने गरेको जानकारहरू बताउँछन् ।

प्रतिक्रिया

- Advertisement -
- Advertisement -
- Advertisement -

सम्बन्धित समाचार

चन्द्रमाको सतहमा पहिलो पटक महिला पुग्ने योजना सार्वजनिक

काठमाण्डौ -अबको चार वर्षपछि पहिलो पटक चन्द्रमाको सतहमा महिला पुग्ने संभावना देखिएको छ । अमेरिकी अन्तरिक्ष संस्था नासाले सन् २०२४ मा चन्द्रमामा जाने औपचारिक रुपरेखा...

सौतेनी आमाको कथा राजा हरिषचन्द्र नामक डेउडा गीत बजारमा

https://youtu.be/bv4jKzJhvTM कला संस्कृतिका संरक्षक विरा राम दमाईको डेउडा गित सौतेनी आमाको कथा राजा हरिषचन्द्र नामक गीत बजारमा आएको छ । उक्त गीतमा  Vocal:-बिरा राम दमाई...

मलेसियामा ज्यान गुमाउने श्रमिकका परिवारलाई बाँचुन्जेल तलब

काठमाडौं, असोज ९ अब मलेसियामा रोजगारीका क्रममा ज्यान गुमाउने नेपालीका परिवारले बाँचुन्जेल तलब पाउने भएका छन्। मलेसिया सरकारले सामाजिक सुरक्षा कार्यक्रममा सबै नेपाली श्रमिकलाई समेट्ने...

६ महिना आफ्नै घरमा राखेर भरतले बिदाइ गरे स्विस नागरिकलाई

कैलाली विश्वमा साइकल यात्रामा निस्किएर कैलालीमा रोकिएका स्विस नागरिक लुइस कर्नेली लाई बिदाइ गरिएको छ । कञ्चनपुरको गड्डाचौकी नाका हुँदै नेपाल प्रबेश गरेका उनी लक...

दार्चुलामा जताजता सशस्त्र प्रहरी, उतैउतै भारतीय एसएसबी

दार्चुला- नेपालले दार्चुलास्थित नेपाल-भारत सीमा र भारत अतिक्रमित कालापानी क्षेत्रमा सुरक्षा उपस्थित बढाएसँगै भारतीय पक्षले पिछा गर्न थालेको छ। पछिल्लो समय नेपालले सीमा क्षेत्रमा...

सोमबारका दिन गर्नुस् यी पाँच काम मनले चिताएको पुग्नेछ

सोमबारको दिन देवताको पनि देवता आरध्यदेव महादेवको पूजा गरिन्छ । अविवाहित नारीले सुयोग्य बर पाउन तथा पतिको दीर्घायूको कामनासहित विवाहिता नारीले भगवान शिवको पूजा...

ॐ मात्र उच्चारण गर्नु भयो भने तपाइले सोचेको काम बन्नेछ बिल्कुलै...

सात दिनभित्रमा तपाइले सोचेको काम बन्नेछ बिल्कुलै बेवास्ता नगर्नुहोला, ॐ लेखि सेयर गरौं!!! ॐ मात्र उच्चारण गर्नु भयो भने पुरा ब्रमाण्ड्को देबि देबताको शक्ति...

साउदीको अस्पतालमा रहेका प्रकाश गुरुङको ठेगाना र आफन्त खोज्दै दूतावास

काठमाण्डौ – साउदीको अस्पतालमा उपचाररत प्रकाश गुरुङ को आफन्त र ठेगाना थाहा हुन नसकेपछि नेपाली दूतावासले खोजी गरेको छ । बिरामी प्रकाशको साउदीको थोडिक अस्पतालमा उपचार...
- Advertisement -
- Advertisement -
- Advertisement -
- Advertisement -
- Advertisement -
प्रतिक्रिया