हेन्द्रनगर । सुदूरपश्चिम सरकारले ७ भदौ अर्थात् भोलि सार्वजनिक बिदा दिने भएको छ । २०७७ सालमा दिइने सार्वजनिक बिदाको सूची सार्वजनिक भईसकेको बताउँदै प्रदेशको आन्तरिक मामिला तथा कानुन मन्त्रालयका प्रवक्ता तेजप्रकाश जोशीले ७ भदौमा थारु समुदायको ‘अटबारी पर्व’ को बिदा दिइएको बताए ।
उनका अनुसार प्रदेशभित्र रहेका सम्पूर्ण सरकारी एवं सार्वजनिक निकायमा बिदा हुनेछ । अट्वारीलाई थारु समुदायमा दाजुभाई, दिदीबहिनी र छरछिमेकीबीच माया, ममता, सद्भाव र भातृत्व कायम गर्ने पर्वका रुपमा मनाइन्छ । २०७७ सालमा दिईने बिदा सम्बन्धी सूचना प्रदेश राजपत्रमा प्रकाशन भईसकेको छ ।
२०७७ जेठ २३ गते बसेको प्रदेश मन्त्रीपरिषद्को बैठकले गरेको निर्णय अनुसार सार्वजनिक बिदा सम्बन्धी सूचना प्रदेशको आन्तरिक मामिला तथा कानुन मन्त्रालयले प्रदेश राजपत्रमा प्रकाशन गरेको थियो । -मानसखण्ड