Friday, September 25, 2020

तथ्यांक भन्छः मुटु, रक्तचाप र क्षयरोगका बिरामीलाई कोरोनाको उच्च जोखिम

- Advertisement -

३० साउन, काठमाडौैं । वि.सं. २०४२ सालदेखि ४ वर्षसम्म जनकपुरमा मेयर बनेका कृष्ण गिरीको साउन २८ गते कोरोनाबाट मृत्यु भयो । जनकपुरमा आफ्नै निवासमा रहेका उनलाई श्वासप्रश्वासमा समस्या आएपछि हेलिकप्टरमार्फत मेडिसिटी अस्पताल ल्याइएको थियो ।

तीन सातादेखि मेडिसिटी अस्पतालमा उपचार गराइरहेका ७२ वर्षीय गिरीलाई एक सातादेखि भेन्टिलेटरमा उपचार गराउँदै आइएको थियो । उनी मुटु सम्बन्धी रोग, उच्च रक्तचापबाट पीडित थिए ।

त्यस्तै, साउन २८ गते नै धादिङका एक ३२ वर्षीय युवकको काठमाडौंको ह्याम्स अस्पतालमा निधन भयो । क्षयरोगका बिरामी धादिङको धुवाँकोटदेखि धादिङबेसीसम्म बोलेरो चलाउने गर्थे । उनलाई ज्वरो र रुघाखोकी लागेपछि नजिकैको स्वास्थ्य चौकी, जिल्ला अस्पताल हुँदै काठमाडौंसम्म आइसकेपछि उनको निधन भयो । पछि रिपोर्टले उनमा कोरोना संक्रमण देखायो ।

पेटको समस्या लिएर ओम अस्पताल पुगेकी ७२ वर्षीया एक महिलाको साउन २२ गते ज्यान गयो । धनुषा स्थायी घर भएकी ती महिलामा दम, हाइपोथाइरोडिजम र उच्च रक्तचापको समस्या थियो । ती मृतक महिलाको पछि कोरोना रिपोर्ट पोजेटिभ आएको हो ।

जेठ ३ गते धुलिखेल अस्पतालमा एक सुत्केरीको मृत्युसँगै सुरु भएको कोरोनाबाट हुने मृत्युको आँकडाले साउनको अन्तिमसम्म आइपुग्दा १०० टेक्न लागिसकेको छ । अनियन्त्रित रूपमा भारतबाट आउने नेपाली र उद्धार उडानमार्फत ल्याइएका नेपालीबाट फैलिएको कोरोनाले यतिबेला भुसको आगो जसरी समुदायमा गाँजेको छ । बुधबार एकैदिन देशभर ११ जनाको ज्यान गयो । यो संख्या बिहीबार कम भयो । यद्यपि त्रास भने घटिसकेको छैन ।

विश्वमा कोरोना भाइरसको महामारी सुरु भएको झण्डै ५ महिनासम्म कोरोनाबाट मृत्यु हुनेको संख्या नेपालमा शून्य थियो । पछिल्लो ३ महिनाको आँकडाअनुसार मृतकको संख्या १०० नजिक पुगेको छ ।

कोरोना भाइरसका कारण मृत्यु भएकी पहिलो महिलामा कुनै पनि दीर्घ रोगको समस्या थिएन । उनी सुत्केरी थिइन् र नियमित अस्पताल जाँदा आउँदा कोरोना संक्रमण भएको भन्ने आशंका गरिएको थियो । ज्वरो र श्वासप्रश्वासमा समस्या देखिएपछि अस्पताल पु¥याइएकी उनको उपचारकै क्रममा मृत्यु भयो भने पछि उनमा कोरोना रहेको पुष्टि भयो ।

दोस्रा संक्रमित बाँकेको नरैनापुरको क्वारेन्टिनमा बसेका २५ वर्षीय युवक हुन् । उनी भारतबाट आएर नरैनापुरको क्वारेन्टिनमा बसे पनि श्वासप्रश्वासमा समस्या आएपछि समयमा उपचार नपाएर उनको निधन भएको थियो । उनमा पनि दीर्घ रोगको समस्या भने नभएको बताइएको छ ।

त्यस्तै, कोरोनाका तेस्रा संक्रमित गुल्मीका ४१ वर्षीय पुरुष हुन् । एक्युट इन्सेफ्लाइटिस सिन्ड्रोम, निमोनिया र मुटुको समस्या रहेका उनलाई श्वासप्रश्वास र झाडावान्ताको समस्या भएपछि अस्पताल लगिएको थियो । उपचारको क्रममा साउन ८ गते उनको निधन भएको हो ।

प्राप्त तथ्यांकअनुसार कोरोनाबाट मृत्यु भएका मृतक संख्यालाई विश्लेषण गर्दा मुटु, मधुमेह र क्षयरोगका बिरामीहरू यसको मुख्य समस्यामा छन् । कोरोनाका कारण मृत्यु भएकामध्ये करिब आधा कोरोना संक्रमितमा दीर्घ रोग भए÷नभएको उल्लेख छैन । बिहीबारसम्मको कुल ९५ जना कोरोना संक्रमणबाट मृत्यु भएकामध्ये ५३ जनामा दीर्घरोग भएको यकिन छैन ।

बाँकी दीर्घरोगबाट ग्रसितहरूमध्ये मृत्यु हुनेमा अधिकांशलाई मुटु, क्षयरोग र उच्च रक्तचापको समस्या देखिएको हो । यसबाहेक कोही मृगौलाका बिरामी त कोही सुत्केरी छन् ।

जेठ ३२ गते मृत्यु भएका ३६ वर्षीय पुरुषलाई कुनै पनि लक्षणविना नै उनको निधन भयो । उपल्लो तम्घासको आइसोलेसनमा बसेका उनी गुल्मी स्थायी घर भएका व्यक्ति हुन् । उनी आन्द्राको क्यान्सरबाट पीडित थिए ।

त्यस्तै, असार ६ गते निधन भएका गुल्मीकै ६९ वर्षीय पुरुषमा कोरोना संक्रमण देखियो । उनलाई पनि कोरोनासँग मिल्दोजुल्दो लक्षण देखिएको थिएन । उनी प्यारालाइसिसका बिरामी हुन् भने उनी होम क्वारेन्टिनमा नै बस्दा उनको निधन भएको हो ।

साउन २३ गते मृत्यु भएकी रुपन्देहीकी ४१ वर्षीया महिला पाठेघरको क्यान्सरबाट पीडित थिइन् । उनलाई निमोनियाको समस्या देखिएपछि उपचारको लागि पाटन अस्पताल ललितपुरमा ल्याएपछि उनको उपचारको क्रममा निधन भएको हो ।

त्यस्तै, साउन २७ गते प्लाज्मा थेरापीबाट उपचार गरेका कीर्तिपुर ट्यांलाफाँटका एक वृद्धको पनि निधन भएको छ । यसरी नेपालमा मृत्य भएकामध्ये आधामा पहिचान भएको दीर्घरोगमध्ये पनि अधिकांश मुटु, मृगौला र उच्च रक्तचापका बिरामी रहेको पाइएको छ भने एकाध मान्छे मात्रै अन्य रोगले ग्रसितको मृत्यस भएको तथ्यांकले देखाएको छ ।

प्रतिक्रिया

- Advertisement -
- Advertisement -
- Advertisement -

सम्बन्धित समाचार

यी हुन् ज्वरो घाँटी दुख्ने सिंगान बग्ने समस्याको अचुक घरायसी औषधि

अहिले मौसम परिवर्तनको समय रहेको कारण धेरै मानिसहरु रुघा खोकी, टन्सील, ज्वरोबाट ग्रस्त हुने गरेका छन् । यस्तो समयमा स्वास्थ्यको ख्याल नगर्दा निकै दुख...

दिल खोलेर हाँस्नुहोस यस्ता छन फाइदै फाइदा

हाँसोले मानिसलाई शारीरिक तथा मानसिक रुपमा स्वस्थ बनाउँछ । यसले मानसिक तनाव हटाउन मद्दत गर्नुका साथै रोग प्रतिरोधी क्षमतामा पनि वृद्धि गर्छ ।दैनिक ४५...

यस्तो खराब जीवनशैलीले बढाउछ क्यान्सरको जोखिम

जीवित रहँदासम्म हाम्रो शरीरमा जीवन सम्वन्धी अनेकन प्रक्रिया सुचारु भइरहन्छन् । यसैमध्ये एउटा क्रिया कोशिकाहरु अर्थात् सेल्स बन्नु हो । यो क्रियामा शरीरका पुराना...

स्कुस: बहुउपयोगी र पोषिलो, यस्ता छन् फाईदा

काठमाडौं । नेपालीको भान्सा धान्ने सब्जी, स्कुस । घर–आँगनमा सजिलै फल्ने । धेरै फल्ने । सस्तो, स्वादिलो, सुपाच्य र स्वस्थ्यकर । स्कुस वहुउपयोगी तरकारी...

कपाल लामो बनाउन चाहनुहुन्छ छ ? यी उपाय अपनाउनुहोस्

काठमाडौँ । कपाल लामो बनाउन जसलाई पनि मन पर्छ। हरेक युवतीहरु कपाल लामो बनाउने सौन्दर्य प्रशाधनको खोजीमा भौतारिइरहेका हुन्छन्। तर, घरैमा सर्वसुलभ प्याज कपालको...

लामो,बाक्लो र कालो कपाल चाहानुहुन्छ ? यसरी प्रयोग गर्नुहोस् अमलाको रस...

काठमाडौँ । अमला कपाल र छालाका लागि धेरै फाइदाजनक हुन्छ। अमलाको रस उत्तम स्वास्थ्य पेय मानिन्छ। अमलाको रस लामो कपालको लागि पनि धेरै फाइदाजनक...

हरेक पुरूषले जानी राखौं)आफ्नो श्रीमतीलाई सधै खुसी बनाउने सुत्रहरू

आजकल नेपाली समाजमा थुप्रै कारणहरुले डिभोर्सको घटना दिन प्रतिदिन बढ्दै छ । कतै तपाईले आफ्नो श्रीमतीलाई खुसि पर्न नसकेर तपाईको परिवारिक जीवनमा खटपट त...

उमेर कटेर पनि जवान देखिन चाहनुहुन्छ ? यी खानेकुरा कहिल्यै नखानुहोस्

हामीले अहिले पनि कतिपय यस्ता व्यक्ति देख्छौं जो उमेर कटेर पनि जवान देखिन्छन् । ६० को उमेरमा पनि ३५ को जस्तै देखिने धेरै जना...
- Advertisement -
- Advertisement -
- Advertisement -
- Advertisement -
- Advertisement -
प्रतिक्रिया