महेन्द्रनगर ः कञ्चनपुर जिल्लाका नौ वटै स्थानीय तहहरुमा राष्ट्रिय परिचय पत्रका लागि विवरण दर्ताको कार्य निरन्तर जारी रहेको छ ।
जिल्ला प्रशासन कार्यालयका अनुसार नौ वटै स्थानीय तहहरुमा आवश्यक सामग्री र उपकरण सहित ८६ जना कम्प्युटर अपरेटर परिचालन गरी राष्ट्रिय परिचय पत्रका लागि विवरण दर्ताको कार्य जारी राखिइएको हो ।
गत चैत्रबाट शुरु गरिएको विवरण दर्ताको काम बन्दाबन्दीको समयमा स्थगित गरिएको भएता पनि असारको अन्तिम सातादेखि पुनः विवरण दर्ताको काम सुचारु गरिएको कञ्चनपुरका प्रमुख जिल्ला अधिकारी नूरहरि खतिवडाले बताए ।
राष्ट्रिय परिचय पत्रका लागि विवरण दर्ता अभियानमा जिल्लाभरीमा हालसम्म १६ हजार भन्दा बढी मानिसहरुले विवरण दर्ता गराइसकेको छ ।