सुदूरपश्चिममा आज थप ११३ जनामा कोरोना पुष्टी भएको हो । देशभरका बिभिन्न प्रयोगशालामा गरिएको परिक्षणमा आज थप ११३ जनामा कोरोना पुष्टी भएको स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले जानकारी दिएका हुन ।
उनका अनुसार टेकु अस्पताल काठमाण्डौमा बझाङका २५ जना ,कैलालीका १५ जनामा कोरोना देखिएको हो । यस्तै धुलिखेल अस्पतालको प्रयोगशालामा गरिएको परिक्षणमा कञ्चनपुरका १८ र दार्चुलाका १६ जनामा कोरोना पुष्टी भएको गौतमले बताए ।
यता डडेल्धुरा प्रयोगशालामा गरिएको परिक्षणमा बैतडीका १० र डोटीका ३ जनामा कोरोना देखिएको हो । त्यस्तै सुदुरपश्चिम प्रदेशको सेती प्रादेशिक अस्पतालको प्रयोगशालामा गरिएको परिक्षणमा आज थप २६ जनामा कोरोना पुष्टी भएको छ । ९ महिला १७ पुरुषमा गरी २६ जनामा कोरोना देखिए हो ।
संक्रमितहरुमा बझाङका २ जना पुरुष, कञ्चनपुरका एक जना पुरुष रहेका छन ।त्यस्तै अन्य संक्रमितहरुमा कैलालीको टिकापुरका एक महिला ६ जना पुरुष, कैलालीकै धनगढीका ८ महिला ८ पुरुष रहेका छन ।
आज ११३ जनामा संक्रमण पुष्टि भएसंगै सुदूरपश्चिममा कोरोना संक्रमितको संख्या चार हजार पाँच २४ पुगेको छ।
