बैतडीमा पनि देखियो सलह

बैतडी-  कैलाली कञ्चनपुर हुँदै डडेल्धुराका विभिन्न स्थानमा देखा परेको सलह बैतडीमा पनि देखापरेको छ। बैतडीको मेलौली नगरपालिकाका र पाटन नगरपालिकाका विभिन्न स्थानमा सलह झुण्ड देखिएका स्थानीयहरुले बताएका छन्।

सलहको झुण्ड देखिएपछि किसानहरु चिन्तित बनेका छन्। सलहको झुण्ड अहिले जंगलमा भएपनि बारीमा पस्ने भन्दै किसानहरु चिन्तित बनेका हुन।

उता जिल्लामा सलह भित्रिएको बारेमा जानकारी नआएको कृषि ज्ञान केन्द्रका निमित्त प्रमुख कर्णबहादुर चन्दले बताए। आफूहरुलाई सलह भित्रिएको बारेमा जानकारी नभएको तर सलह आइहालेमा थाल, बाजा बजाएर धपाउन उनले किसानहरुलाई आग्रह गरेका छन्।