असार २६ भारतीय सेनाले फेसबुक, इस्टाग्राम लगायत ८९ एप मोबाइलबाट हटाउन निर्देशन दिएको छ। संवेदनशील विषयहरु सामाजिक सञ्जालमा जान रोक्न सेनाले यस्तो कदम चालेको जनाएको छ।
द हिन्दूले लेखेको समाचार अनुसार, भारतीय सेनाले ५ जुलाइबाट फेसबुक, इन्टाग्राम लगायत एपहरु आफ्नो मोबाइलबाट हटाउनुपर्नेछ। संवेदनशील जानकारीको चुहावट रोक्ने प्रयोजनका लागि सामाजिक सञ्जालका एपहरु हटाउने निर्देशन दिइएको सेनाले जनाएको छ।
केही दिन अगाडि मात्रै भारत सरकारले टिकटक सहित ५९ चिनियाँ एपमा प्रतिबन्ध लगाएको थियो।
भारतीय सेनाले यसअगाडि पनि फेसबुक लगायत एपको प्रयोगबारे निर्देशनहरु जारी गर्दै आएको थियो। तर पनि सामाजिक सञ्जाल मार्फत् भएर संवेदनशील विषय पनि पोष्ट हुने गरेको घटना पाइएको थियो।