Thursday, December 3, 2020

मोटरसाइकल र कारमा अझै थप कर !

- Advertisement -

काठमाडौं । सरकारले आर्थिक वर्ष २०७७/७८ को बजेट मार्फत पुनः करका दरमा वृद्धि गर्ने आँकलन सुरु भएको छ । सरकारले हरेक वर्ष चुरोट र मदिरापछि कर बढाउने क्षेत्रको रुपमा अटोमोवाइललाई लिने गरेको तथ्य कही कतै लुकेको छैन । यस्तोमा राजस्वका सबै मुहान बन्द रहेको समयमा पुनः सवारीसाधनमा कर बढाउने अनुमान सुरु भएको छ ।

अर्थमन्त्रीको रुपमा डा. यूवराज खतिवडाले पेश गरेको आर्थिक वर्ष २०७५/७६ को बजेटबाट सवारीसाधनको करमा व्यापक वृद्धि गरेका थिए । अर्थमन्त्रीले सहजै कर उठाउन सकिने क्षेत्रको रुपमा अटोमोवाइललाई लिएका हुन् ।

अहिले करको दर वृद्धि गरेको खण्डमा त्यसको फाइदा सरकारलाई पुग्ने छैन । नेपालमा स्टक रहेका सवारीसाधन बिक्री गर्न समेत हम्मे हम्मे पर्ने अवस्था सृजना भएको समयमा करमा वृद्धि गर्ने हो भने नेपालमा सवारीसाधनको आयात ठप्प प्रायः रहने छ ।

सवारीसाधनमा सरकारले भन्सार ७७ देखि ८० प्रतिशतसम्म लगाउदै आएको छ । उनले उक्त बजेटमार्फत गाडीको इन्जिन क्षमताको आधारमा अन्तःशुल्कमा व्यापक वृद्धि गरेका थिए ।

उनले एक हजार सीसीभन्दा माथिका जिप, कार भ्यानमा अन्तःशुल्क बढाएर एउटै सवारीसाधनको मूल्य ३२ लाखसम्म बढ्ने अवस्था सृजना गरेका थिए । नेपालमा बिक्री हुने ३ हजार सीसीभन्दा माथिका सवारीसाधनमा बढेको करले ठूला गाडीको बिक्रीमा करिब ७० प्रतिशतभन्दा बढीले गिरावट आएको थियो भने, साना गाडीको बिक्रीमा सोही वर्ष ३० प्रतिशतले गिरावट आएको थियो ।

मोटरसाइकलमा पनि सीसीको आधारमा अन्तःशुल्कको व्यवस्था गरेकाले ४०० सीसीभन्दा माथीका मोटरसाइकलको मूल्यमा ३ लाखभन्दा बढीले बढोत्तरी भयो । ४०० सीसीभन्दा माथीका मोटरसाइकलमा सरकारले सडक दस्तुर नै २ लाख रुपैयाँ लगाएको थियो ।

सरकारले पीकअपको भन्सार दरमा खासै परिमार्जन नगरेको कारण आर्थिक वर्ष २०७५/७६ मा डबल क्याब पीकअपको बिक्रीमा केही बढोत्तरी भयो । धेरै डबल क्याब पीकअपको बिक्री देखेका अर्थमन्त्रीले आर्थिक वर्ष २०७६/७७ को बजेटमा डबल क्याब पीकअपमा अन्तःशुल्क वृद्धि गरे ।

बिहिबार आउने बजेटमा पुनः कर बढ्ने हल्ला

सरकारले आर्थिक वर्ष २०७७/७८ को बजेट पर्सि बिहिबार सार्वजनिक गर्दैछ । कोरोना भाइरसको कारण देशमा संचालनमा रहेका सबै किसिमको उद्योग धन्दा बन्द प्रायः छन् । सरकारले चालु आर्थिक वर्षमा लक्ष्य राखे बमोजिम राजस्व उठाउन सकेको छैन भने राजस्व उठ्ने क्षेत्रसमेत संकुचनमा परेको छ । यस्तोमा सरकारले पुनः अटोमोवाइल क्षेत्रमा करका दर परिमार्जन गर्न सक्ने अनुमान गरिएको छ ।

अहिले नेपालमा एउटा गाडी किन्ने रकमले भारतमा तीन वटा गाडी किन्न सक्ने अवस्था रहेको छ भने, एउटा मोटरसाइकल किन्ने पैसाले दुईवटा मोटरसाइकल किन्न सकिन्छ । यस्तोमा अझै सरकारले यही क्षेत्रमा कर थप्दै जानु भनेको नेपाली नागरिकलाई सवारीसाधन चढ्नै नसक्ने अवस्था सृजना गर्नु हो ।

अहिले करको दर वृद्धि गरेको खण्डमा त्यसको फाइदा सरकारलाई पुग्ने छैन । नेपालमा स्टक रहेका सवारीसाधन बिक्री गर्न समेत हम्मे हम्मे पर्ने अवस्था सृजना भएको समयमा करमा वृद्धि गर्ने हो भने नेपालमा सवारीसाधनको आयात ठप्प प्रायः रहने छ ।

इलेक्ट्रीक कारमा सरकारले केही सुविधा दिएको कारण चालु आर्थिक वर्षमा यस्ता सवारीसाधनको आयात केही बढेको देखेका अर्थमन्त्रीले यही क्षेत्रमा करको दर बढाउने तयारी गरेको अर्थ मन्त्रालय स्रोतको दाबी छ ।

यदि सरकारले अहिले इलेक्ट्रीक सवारीसाधनमा भन्सार दर बढाउने हो भने यसले सरकारले तय गरेको इलेक्ट्रीक कारको प्रयोग बढाउने नीतिमा नै असर पुग्ने यस क्षेत्रका विज्ञहरुको बुझाई छ ।

हाइब्रिडमा खोसेको सुविधा फिर्ता देउ

सरकारले गतवर्षको बजेटमा हाइब्रिड कारमा ५० प्रतिशत भन्सार र ५० प्रतिशत अन्तःशुल्क छुट दिने घोषणा गरेको थियो । तर, घोषणाको तीन महिना नपुग्दै आफ्नै निर्णयबाट पछि हट्दै दिएको सुविधा मध्य अन्तःशुल्क छुटलाई हटाएको थियो ।

सरकारले नबुझि निर्णयगर्दा हाइब्रिड कारमा ठूलो समस्या सृजना भएको थियो । यस पटकको बजेटले यस्तो किसिमको त्रुटी गर्नबाट जोगिदै हाइब्रिडमा दिएको सुविधालाई निरन्तर राख्नु पर्ने सरोकारवालाको माग छ ।

प्रतिक्रिया

- Advertisement -
- Advertisement -

सम्बन्धित समाचार

कक्षा १२ को परीक्षाको नतिजा एक महिनाभित्रै सार्वजनिक हुने

काठमाण्डौ - राष्ट्रिय परीक्षा बोर्डले भरखरै सम्पन्न भएको कक्षा १२ को परीक्षाको नतिजा एक महिना भित्रै सार्वजनिक गर्ने तयारी गरेको छ । विद्यार्थीको शैक्षिक सत्र...

जा’डोयाममा सुन्तला : स्वा’स्थका लागि फाइदाजनक

जाडो मौसममा सुन्तला, मौसम जस्ता फलफूलहरु सर्वत्र पाउन सकिन्छ । यद्यपि, भि’टामिन सी पर्याप्त मात्रामा समावेश भएको सुन्तला जा’डो याममा तपाईंका लागि लाभदायक हुन्छ...

मिसन नेपालको कंचनपुर जिल्ला संयोजकमा बोहरा र कोषाध्यक्षमा पन्त     ...

कंचनपुर , महेन्द्रनगर                                          मिसन...

सडक दुर्घटना प्रहरीका हवल्दारको घटनास्थलमै मृत्यु

कञ्चनपुर– पुर्वपश्चिम राजमार्ग सडक खण्ड अन्तर्गत कञ्चनपुरको दैजीमा आईतबार भएको सडक दुर्घटनामा नेपाल प्रहरीका हवल्दारको मृत्यु भएको छ। शुक्लाफांटा नगरपालिका घर भई झोलुगें प्रहरी...

तिरस्कृत भएर सडकमा पुगेकी सपना विश्वचर्चित म छोरी मान्छे भएर, मैले...

काठमाडौं । काठमाडौंको पशुपतिनाथ मन्दिर परिसरको आर्यघाटमा बेवारिसे शव जलाउने सपना रोका मगर बिबिसीको १० प्रभावशाली महिलाको सूचीमा परेकी छन् । बिबिसीले सार्वजनिक गरेको...

वडा प्रहरी कार्यालय महेन्द्रनगर नजिकै युवक मृत फेला

विकास सिह महता / कञ्चनपुर, मंसिर  वडा प्रहरी कार्यालय महेन्द्रनगर नजिकै एक युवक मृत  फेला परेका छन । भीमदत्त नगरपालिका ४ महेन्द्रनगर बजारमा नेपाल...

नेशनल लाईफ ईन्स्याेरेन्स कम्पनी लिमिटेड द्वारा मृत्युदावि रकम भुक्तानी

कञ्चनपुर नेपालकै पहिलो र अग्रणि जीवन बीमा कम्पनी नेशनल लाईफ इन्सोरेन्स क. लि. महेन्द्ररनगर शाखााबाट आफ्ना तिनवटै छोराहरू पवन जोशी, भुवन जोशी र मिलन जोशीको...

को’रोनाले यसरी फेरिदियो जीवन, पाइलट गरिरहेछन् ‘फूड डेलिभरी’ को काम

को’रोना महामा’रीका कारण थुप्रैको जीवन नराम्रोसँग प्रभावित भइरहेको छ । संसारभरी राजगारीमा कमी आएको छ र थुप्रै क्षेत्र यस्ता छन् जुन न’राम्रोसँग धरासयी बनेका...
- Advertisement -
- Advertisement -
- Advertisement -
- Advertisement -
प्रतिक्रिया