महेन्द्रनगर । बैशाख महिना लागेसँगै बिहेको चटरो पनि सुरु भएको छ । खास गरि पहिले नै बिहेको तीथि मिलाएर बसेका जोडी अहिले लगन गाँठो बाध्ने तयारीमा लागेका छन् ।
विश्व महामारीको रुपमा फैलिरहेको कोरोना भाइरस नियन्त्रण तथा रोकथामका लागी हाल विश्व नै लकडाउन छ ।
नेपालमा पनि सरकारले चैत ११ गते देखि लकडाउन घोषणा गरेको छ ।
साथै संक्रमणको जोखिमलाई न्युनिकरण गर्न सामाजिक दुरी कायमसँगै सम्भेलन नगर्न सरकारले निर्देशन जारी गरेका छ ।
यता जिल्ला प्रशासन कार्यालयले कञ्चनपुरले लकडाउनमा विवाह गर्ने अनुमती दिएको छ ।
लकडाउनमा कसैले विवाह गर्न चाहेमा वडा कार्यालयको सिफारीस लिएर बेहुला बेहुली र पण्डीत सहति ५ जनाको उपस्थितिमा सामाजिक दुरी कायम गरी तथा कोरोना रोकथामका उपाय अवलम्बन गरी विवाह गर्न पाइने जिल्ला प्रशासन कार्यालय कञ्चनपुरले जनाएको छ ।
जिल्ला प्रशासन कार्यालय कञ्चनपुरका सहायक जिल्ला अधिकारी गोकर्ण प्रशाद उपाध्यायले भने ‘जिल्लामा बढीमा ५ जनाको उपस्थितिमा सामाजिक दूरी कायम गरी विवाह गर्न सकिनेछ तर विवाहको लागी सवारी पास आवश्यक पर्दैन ।’