महेन्द्रनगर २६ चैत । महेन्द्रनगरको सुदूरपश्चिमाञ्चल विश्वविद्यालय केन्द्रीय क्याम्पसका उपप्राध्यापक हर्ष बहादुर चन्दले भीमदत्त नगरपालिकालाई खाद्यान्न हस्तान्तरण गरेका छन् ।
उनले बुधबार भीमदत्त नगरपालिकालाई १० हजार बराबरको खाद्यान्न हस्तान्तरण गरेका हुन् । जसमा ५ कठ्ठा चामल, ३ हजार बराबरको दाल र १ पेटी तेल रहेको छ ।
आर्थिक अवस्था कमजोर भएको परिवारलाई खाद्यान्न वितरणका लागि नगरपालिकालाई खाद्यान्न वितरण गरेको उनले बताए ।
विद्यार्थीलाई पनि खाद्यान्न सहयोग गर्ने घोषणा
त्यस्तै विश्वविद्यालयको गणित विषयका उप प्राध्यापक रहेको चन्दले हाल महेन्द्रनगरमा डेरा गरि बस्दैँ आएका विद्यार्थीलाई खाद्यान्न सहयोग गर्ने बताएका छन् ।
उनले लकडाउनको समयमा विश्वविद्यालयमा अध्ययरत विद्यार्थीलाई खाद्यान्न समस्या भएमा आफुले सक्दो सहयोग गर्ने बताए ।
साथै समस्यामा परेका विद्यार्थीलाई आफुलाई सम्पर्क गर्न आग्रह गरेको छन् ।