Wednesday, January 20, 2021

बैतडी प्रहरी कार्यालयको जग्गामा व्यापारीका घर

- Advertisement -

बैतडी । जिल्ला प्रहरी कार्यालय बैतडीको नाममा रहेको जग्गा अतिक्रमण गरी निजी घर निर्माण गरेको पाइएको छ । जिल्लाको दशरथचन्द नगरपालिका–४, शाहीलेकस्थित प्रहरीको कार्यालयको कित्ता नं. ३०६ र ९४७ को जग्गा अतिक्रमण गरी स्थानीय व्यापारीले घर टहरा बनाएको भेटिएको हो ।

प्रहरी कार्यालयको नाममा रहेको स्थानीय व्यापारी चेतराज पाण्डे र महेशदत्त भट्टले अतिक्रमण गरी निजी प्रयोजनका लागि घर निर्माण गरेको पाइएको छ । जिल्ला प्रहरी कार्यालय बैतडी, नापी कार्यालय, दशरथचन्द नगरपालिका र जिल्ला प्रशासन कार्यालय बैतडीको संयुक्त सर्भे टोलीले जग्गाधनीकै रोहवरमा नापजाँच गर्दा उक्त जग्गा अतिक्रमण गरेको पाइएको हो ।

पाण्डेले आफ्नो पक्की घर निर्माण गर्दा १ मीटर र सोही घरसँग जोडिएको कच्ची टहरा निर्माण गर्दा ४ दशमलव ५ मीटर गरी साढे ५ मीटर जग्गा अतिक्रमण गरेको पाइएको संयुक्त टोलीको प्रतिवेदनमा उल्लेख गरिएको छ । त्यस्तै भट्टले पनि प्रहरीकै जग्गा अतिक्रमण गरी टहरा निर्माण गरेको बताइएको छ ।

अतिक्रमण गरी बनाइएका संरचना हटाई जग्गा खाली गर्न दुवै व्यक्तिलाई पत्राचार गरिएको जिल्ला प्रहरी कार्यालय, बैतडीले बताएकोे छ । प्रहरी कार्यालयका प्रहरी प्रमुख डीएसपी डिल्ली नारायण पाण्डेले नापजाँच गर्दा अतिक्रमण गरी घरटरहरा निर्माण गरेको भेटिएपछि जग्गा खाली गर्न पत्राचार गरिसकेको जानकारी दिए । यद्यपि, व्यापारीले भने अहिलेसम्म अतिक्रमित जग्गामा निर्माण गरेका घर टहरा हटाएका छैनन् ।

अतिक्रमित जग्गाबारे बुझ्दा व्यापारी भट्टले आफूले संरचना बनिसकेपछि मात्र घर किनेको बताए । ‘मैले निर्माण सम्पन्न भएको घर किनेको हुँ । घर किन्ने बेला प्रहरीको जग्गा अतिक्रमण भएको छ भन्ने थाहा पाइनँ,’ उनले भने, ‘अहिले सर्भे टोलीले जाँच गर्दामात्र थाहा भयो । अब प्रहरीको जग्गामा रहेको मेरो कच्ची टहरा हटाइदिन्छु ।’

उक्त जग्गा आफ्नो भनेर दाबी पनि नगर्ने उनको भनाइ छ । अर्का व्यापारी पाण्डेले भने आफ्नो कुनै पनि संरचना प्रहरीको जमीनमा नपर्ने दाबी गरे ।

प्रतिक्रिया

- Advertisement -
- Advertisement -

सम्बन्धित समाचार

गाउँ गाउँ मदिरा: बगरकाेट प्रहरी प्रमुख भन्छन् डाटा दिदैन म ,...

दिपकराज भट्ट / डडेल्धुरा - डडेल्धुरा काे भागेश्वर गाउँपालिका कागजमा मात्र मदिरा निशेध गरिएकाे स्थानिय नागरिकाे गुनासाे छ । पाँच वडा रहेकाे गाउँपालिकामा गाउँ...

सुदूरपश्चिम विश्वविद्यालयको लागि महत्वपुर्ण उपलब्धी : कैलाली बहुमुखी क्याम्पस समायोजन

महेन्द्रनगर माघ । सुदूरपश्चिममाञ्चल विश्वविद्यालयको स्थापनाकाल देखि नै समायोजनका लागि पक्रिया थालिएको कैलाली बहुमुखी क्याम्पस अन्नतः आंगिक क्यापसको रुपमा समायोजन भएको छ । सूदूरपश्चिम कै...

कांग्रेस डोटीका सचिव जोशी : कम्युनिष्टहरूले खलनायकको चरित्र देखाए

डोटी – नेपाली कांग्रेस डोटीका सचिव नारायण जोशीले कम्युनिष्टहरूले कांग्रेसको जगमा टेकेर खलनायकको चरित्र देखाएको आरोप लगाए । नेपाली कांग्रेस जोरायल गाउँपालिकाले जोरायलमा आयोजना...

कृष्णपुरमा दुईवटा मोटरसाइकल एकआपसमा ठक्कर खाँदा दुईको मृत्यु र २ जना...

कञ्चनपुरको कृष्णपुर ५ को अमखैयामा दुईवटा मोटरसाइकल एकआपसमा ठक्कर खाँदा दुईको मृत्यु र २ जना घाइते भएका छन् । जिल्ला प्रहरी कार्यालय कञ्चनपुरका प्रवक्ता...

बैतडीको सुर्नयामा अगुवा कार्यकर्ता भेला कार्यक्रम सम्पन्न

बैतडी, सत्तारुढ नेपाल कम्यूनिष्ट पाट्रि(नेकपा)ले बैतडीको सुर्नया गाउँपालिकामा अगुवा कार्यकर्ता भेला कार्यक्रम सम्पन्न गरेको छ । पाट्रिको प्रदेश कमिटि सदस्य लिला बिष्टको अध्यक्षतामा भएको कार्यक्रममा...

बैतडीको दोगडाकेदार गाउँपालिकामा अस्थायी कोरोना अस्पताल सञ्चालन

बैतडी–पौष २८/ बैतडीको दोगडाकेदार गाउँपालिकामा अस्थायी कोरोना अस्पताल सञ्चालनमा आएको छ । संघिय सरकारको सहयोगमा वडा नं ३ श्रीकोटमा कोभिड अस्थायी अस्पताल सञ्चालनमा आएको हो...

आठौं नगर सभा सुरु भीमदत्त नगरपालिकाको

महेन्द्रनगर । भीमदत्त नगरपालिकाको आठौं नगर सभा सुरु भएको छ । नगर सभालाई सुदूरपश्चिम प्रदेश सभा सदस्य प्रकाश रावलले सम्बोधन गरेका छन् । उनले प्रधानमन्त्री केपी...

थारू समुदायको सबैभन्दा ठूलो पर्व माघी नजिकिएसँगै माघीकाे तयारी तिब्र

थारू समुदायको सबैभन्दा ठूलो पर्व माघी नजिकिएसँगै थारु समुदायका मानिस अहिले यसको तयारीमा जुटेका छन् । पर्वको तयारीका लागि खाद्यान्नको जोहो गर्ने, दुना टपरी...
- Advertisement -
- Advertisement -
- Advertisement -
- Advertisement -
प्रतिक्रिया