काठमाडौं । महरा बलात्कार प्रकरणमा पीडित भनिएकी रोशनी शाहीले जिल्ला अदालत काठमाडौंको फैसलालाई न्यायको अनुभुती भन्दै धन्यवाद दिएकी छिन् ।
अदालतको फैसलाबारे छोटो प्रतिकृया दिदैं शाहीले आफुले भन्दै आएको कुरा अदालतले सावित गरिदिएको भन्दै अदालतप्रती धन्यवादी भएको बताएकी हुन ।
“मैले भन्दै आएकी हुँ, उहाँ मेरो बुवा समानको मान्छेबाट यस्तो कार्य हुनै सक्दैन यो उहाँलाई फसाउन खोजिएको षड्यन्त्र हो रोशनीले भनिन, तर न्याय मरेको छैन भन्ने कुरा आज प्रमाणित भएको छ , म खुशी छु ।”
घटनालाई राजनीतिकरण गरिएको र महरालाई बदनाम गराउन खोजिएको रोशनीको भनाइ छ । मानसिकरुपमा अस्वस्थय रहेको बेला मैले भन्दै नभनेका कुराहरुलाई हल्ला फिजाइएको रोशनीले बताइन ।
महरामाथि लागेको बलात्कार आरोपको मुद्दामा सोमबार जिल्ला अदालत काठमाडौंका मुख्य न्यायधीश अम्बर राज पौडेलको इजलाशले महरालाई निर्दोष भन्दै सफाई दिएका छन् । महरा अहिले डिल्लीबजार कारागारबाट थुना मुक्त हुदैछन् ।
कारागार बाहिर र डिल्लीबजार क्षेत्रका मुख्य सडकमा महराको स्वगातका लागि सयौं मानिसहरु उपस्थित भएका छन् । अदालतको फैसलाबारे अहिले नै महराले मुख खोलिसकेका छैन ।-अनमाेल पाेष्ट
