महेन्द्रनगर-कञ्चनपुरको महेन्द्रनगरस्थीत लिटिल बुद्ध ऐकेडेमीले विज्ञान, कला तथा फुड फेष्टेवलको आयोजना गरेको छ ।
अभिभावक तथा विद्यार्थीको सहभागीतामा आईतबार प्रदर्शनी आयोजना गरिको लिटिल बुद्धका प्रिन्सीपल श्याम सिंह मौनीले बताए । उनका अनुसार विद्यार्थीमा रहेको अन्र्तरनिहित सिर्जनाशिल क्षमतालाई प्रष्फुटन गर्न प्रदर्शनीको आयोजना गरिएको हो ।
प्रदर्शनीमा नर्सरीदेखि १२ सम्ममा विद्यार्थीले विभिन्न कला, विज्ञान तथा खाद्य पदार्थका परिकार प्रदर्शनीमा राखेका थिए ।
२० वटा स्टल रहेको प्रदर्शनीमा कलातर्फ विद्यार्थीको आर्कषण देखिएको छ । स्कुलका प्रिन्सीपल मौनीका अनुसार कलातर्फ तीन सय, विज्ञानतर्फ एक सय ५० र फुडतर्फ २७ प्रतियोगीको सहभागीता रहेको छ ।
विद्यालयले कला र विज्ञान पदर्शनीका सहभागीमध्येबाट प्रथम, द्धितिय र तृतीयलाई पुरस्कृत गर्ने जनाएको छ । प्रथमलाई तीन हजार, द्धितियलाई दुई हजार र तृतीयलाई एक हजार नगद पुरस्कार दिईने उनको भनाई छ ।