महेन्द्रनगर-पूर्व–पश्चिम महेन्द्र राजमार्ग अन्तर्गत कञ्चनपुरको भीमदत्त नगरपालिका–१० सुकासालमा दुई यात्रु सवार अटो एकआपसमा ठोकिएका छन् । यात्रु सवार अटो एकआपसमा ठोकिदा ५ जना घाइते भएका छन् ।
बिहिवार महेन्द्रनगरदेखि गड्डाचौकीतर्फ गइरहेको म १ ह ७५० नम्बरको अटो र विपरित दिशाबाट आइरहेको म १ ह ७५५ नम्बरको अटो एक आपसमा ठोकिएको सुकासाल प्रहरी बिटका असइ डम्बर बहादुर चन्दले बताए ।
म १ ह ७५५ नम्बरको अटोमा सवार यात्रु र चालक घाइते भएको उनी बताउँछन् । उनका अनुसार घाइतेहरुको महाकाली अस्पतालमा उपचार भइरहेको छ ।