कञ्चनपुर
नेपाल कम्युनिष्ट पार्टी(नेकपा)ले कञ्चनपुरका संघीय तीन निर्वाचन क्षेत्र, ६ प्रदेश र ९ स्थानीय तहमा इन्चार्ज र सह–इन्चार्जको जिम्मेबारी तोकेको छ ।
नेकपा कञ्चनपुरले एकसाथ निर्वाचन क्षेत्र र स्थानीय तहको जिम्मेबारी तोकेको हो । नेकपा कञ्चनपुरका युवा नेता अक्कल विष्टले सहमतिय आधारमा संघीय, प्रदेश निर्वाचन क्षेत्र र स्थानीय तहमा नेताहरुलाई जिम्मेबारी दिएको बताए ।
क्षेत्र नम्बर १ को संयोजकमा पल्वभराज भट्ट, सचिव राधाकृष्ण जोशी(ज्याला), क्षेत्र नम्बर २ को संयोजकमा रण बहादुर महरा, सचिव सिके भट्ट र क्षेत्र नम्बर ३मा संयोजक देवेन्द्र ढुङगाना र सचिवमा प्रताव तिरुवालाई जिम्मेबारी दिएको छ । नेकपाको पार्टी एकता प्रकृया अनुरुप केन्द्र, प्रदेश, जिल्ला, स्थानीय हुँदै संघीय निर्वाचन क्षेत्रमा नेताहरुलाई जिम्मेबारी दिएको हो ।
क्षेत्र नम्बर १ र २ का सचिवद्वयमा चयन भएका जोशी र भट्ट पुर्व कञ्चनपुरका विद्यार्थी चर्चित नेता हुन् । जिम्मेबारी पाएका नेताहरुले पार्टीले दिएको जिम्मेबारी निर्भिकताका साथ पुरा गर्ने प्रतिबद्धता जाहेर गरेका छन् ।
नेकपा कञ्चनपुर क्षेत्र नम्बर १ का संयोजक पल्वभराज भट्टले पार्टीले दिएको जिम्मेबारी निर्भिकताका साथ पुरा गर्ने बताउदै पार्टीलाई चुस्त दुरुस्त बनाउने बताएका छन् ।
प्रदेश निर्वाचन क्षेत्र तर्फ १(क) आरपी सार्की संयोजक, सह–संयोजक धोके राना
(ख) सह–संयोजक रामकृष्ण श्रेष्ठ २(क) सयोजक उमाकान्त जोशी, सह–संयोजक टेक हमाल (ख) संयोजक हिक्मत सिह ३(क) हरिसिह धामी संयोजक, शंकर कुँवर सह–संयोजक (ख) इन्द्र रावथ संयोजक, राम बहादुर बुढा सह संयोजक रहेका छन् ।
यस्तै नेकपाले ९ वटै स्थानीय तहको संयोजक र सह संयोजक समेत टुङ्गो लगाएको छ । बेलडाँडी गाउँपालिका इन्चार्ज अक्कल बहादुर विष्ट, सह–इन्चार्ज कल्पना गिरी, लालझाडी गाउँपालिका पदम ओझा इन्चार्ज, भक्ता राना र डिठ्ठा राना सह इन्चार्ज, बेलौरी नगरपालिका राम बहादुर गुरुङ्ग इन्चार्ज, धन बिरपन्त सह इन्चार्ज, पुर्नवास नगरपालिका स्थिर प्रशाद घिमिरे इन्चार्ज, सहईन्चार्ज फैरु तामाङ्ग, बिरबल विक, कञ्चन गिरी, कृष्णपुर नगरपालिका जोगराम चौधरी इन्चार्ज, लोकेन्द्र पन्त सह इन्चार्ज, शुक्लाफाँटा नगरपालिका करनसिह सुनार, सह इन्चार्ज नवराज अवस्थी, बेदकोट नगरपालिका रामचन्द्र रेग्मी इन्चार्ज, मान बहादुर राना सहइन्चार्ज, भीमदत्त नगरपालिका इन्चार्ज शेर बहादुर चन्द इन्चार्ज, सह इन्चार्ज लोकराज जोशी, बाबुराम न्यौपाने, अर्जुन कार्की र महाकाली नगरपालिका इन्चार्जमा भरत भट्ट इन्चार्ज र गगन खत्री सह–इन्चार्जमा तोकिएका छन् । नेकपा कञ्चनपुरले नेताहरुलाई जिम्मेबारी दिदै जिल्लामा पार्टीलाई चुस्त, दुरुस्त बनाउदै जनतालाई अधिकतम सेवा सुविधा दिने तर्फ उन्मुख हुने जनाएको छ ।
beldandipost पोस्ट बाट