महेन्द्रनगर २५ असोज ।
महाकाली नदीबाट मापदण्ड विपरी नदीजन्य पदार्थ (ढुङ्गा, वालुवा, गिट्टी) उत्खनन् गरेको भन्दैँ पक्राउ परेका टिप्पर र जेसिभी चालक रिहा भएका छन् ।
जिल्ला प्रहरी कार्यालय कञ्चनपुरले प्रहरीले मापदण्ड विपरित नदीमा जेसिभी लगाएर उत्खनन् भईरहेको भन्दै तीन जेसिभी, १६ टिप्परसहित १९ चालकलाई नियन्त्रणमा लिएको थियो ।
शनिबार बिहान प्रहरीले भीमदत्त नगरपालिका–१३ पिपरैया महाकाली नदीक्षेत्रबाट पक्राउ गरिएको १९ जना चालकलाई काज गराएर छोडिएको कञ्चनपुरका प्रहरी प्रमुख एसपी दिनेश आचार्यले बताए ।
उनका उनका अनुसार चालकलाई नियमविपरीत नदीजन्य पदार्थ संकलन गर्नबारे सोधपुछ गरि छोडिएको उनले बताए । तर टिप्पर र जेसिभी भने प्रहरी नियन्त्रणमा रहेका छन् ।
मापदण्ड विपरीत नदीजन्य वस्तुको उत्खनन्बारे. जिल्ला समन्वय समितिको नेतृत्वमा बनेको समितिले कारवाही अगाडी बढाउने उनको भनाई रहेको छ ।
