सुदूरपश्चिम खबर
sudurpashimkhabar.com
Bedkot Samudayik Ban

लिफ्ट दिएर ट्रकभित्रै बलात्कार : चालक र सहचालक पक्राउ

1,418
Sana Kishan

दमौली : नारायणगढका लागि बस नभेटेपछि लिफ्ट मागेकी एक महिलालाई ट्रकका चालक र सह चालकले सवारीभित्रै बलात्कार गरेका छन्। बुधबार साँझ नवलपरासी बर्दघाट सुस्ता पूर्वबाट दमौली आउँदै गरेको ना १ क ४३४९ नम्बरको ट्रकमा चढेकी ३० वर्षीया महिलालाई ट्रक भित्रै बलात्कारको अभियोगमा चालक र सह चालक दुवै पक्राउ परेका छन्।

ट्रकका चालक मोरङ ऊर्लाबारी नगरपालिका ३ सूर्यचोकका ३० वर्षीय चालक विमल ढकाल र सहचालक ३२ वर्षीय गोपाल भण्डारीविरुद्ध जर्बजस्ती करणी मुद्दामा अनुसन्धानका लागि तनहुँ अदालतबाट अनुमति लिएर हिरासतमा राखिएको प्रहरी नायब उपरीक्षक लिलाराज लामिछानेले जानकारी दिए।

Arus

प्रहरीका अनुसार नारायणगढ आफन्तकहाँ जान लागेकी ती महिलाले बस नभेटेपछि ट्रकसँग लिफ्ट मागेकी थिइन्। तर करिब दुई घण्टामा नारायणगढ पुगेको ट्रकबाट झर्न नदिएर आफूलाई जर्बजस्ती ट्रकमै बलात्कार गरिएको महिलाको आरोप छ।

Nepali Khaja

दमौलीका लागि रड लिएर आउँदै गरेको सो ट्रकलाई व्यास १२ छिर्कनेस्थित सडक किनारमै ट्रक रोकेर चालक र सहचालक दुवैले आफूमाथि बलात्कार गरेको महिलाको आरोप छ।

Karnali Traders

विहान करिब १ बजेतिर भएको घटनापछि ट्रकले आफूलाई दमौली झारेको र आफू पोखरा पुगेपछि प्रहरीको सम्पर्कमा पुगेको महिलाको भनाइ छ। घटनालगत्तै प्रदेश प्रहरी कार्यालयको सूचनाका आधारमा तनहुँ प्रहरीले बीपी वन वाटिका मैदानमा रड अनलोड गर्दै गरेको अवस्थामा चालक र सहचालक दुवैलाई पक्राउ गरेको प्रहरी नायब उपरीक्षक लामिछानेले बताए।

‘महिलाले आफूलाई ट्रकबाट झर्नै नदिएर बलात्कार गरेको बताएकी छन्,’ प्रहरी उपरीक्षक लामिछानेले भने,‘आरोपितसँग बयान लिइरहेका छौं।’ उनका अनुसार महिलाले नाराणगढ आउनासाथ आफूलाई झारिदिन अनुरोध गरेकी थिइन्। तर चालक र सहचालक दुवैले उनलाई ट्रकबाट झर्न नदिएर जर्बजस्ती गाडि अघि बढाएका थिए।

पीडित ३० वर्षीया महिला विवाहित रहेको बताइएको छ। उनलाई आफन्त सम्पर्कमा आएपछि दमौलीस्थित महिला आ श्रयगृहमा राखिएको छ। आश्रयस्थलमा रहेकी उनले आफूमाथि यस्तो होला भनेर कल्पनासम्म नगरेको बताइन्।

‘बसले नरोकेपछि ट्रकलाई हात दिएँ। रोक्यो पनि।’ उनले भनिन्, ‘तर अप्ठेरो पर्दा लिफ्ट दिएका चालकबाट यस्तो होला भनेर सोचिन।’ उनले घटनामा चालक र सह चालक दुवै संलग्न रहेको आरोप लगाइन्। प्रहरीले महिलाको अवस्था सुधार नआउँदासम्म उनलाई आश्रयगृहमा राखिने बताएको छ। -अन्नपुर्ण पाेस्टबाट

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.