सुदूरपश्चिम खबर
sudurpashimkhabar.com
Bedkot Samudayik Ban

पाँच दलित किशोर मुम्बईमा नौ महिनादेखि बन्धक

भागेर फर्केका जितन सदाय भन्छन्–राम्ररी खानसमेत नदिई दाससरह काममा जोताए

219
Sana Kishan

राम्रो काम लगाइदिन्छु भन्ने दलालको पछि लागेर गएका पाँचजना दलित किशोरलाई मुम्बईमा बन्धक बनाइएको छ । सिरहाका दुई, सप्तरीका दुई र उदयपुरका एक किशोरलाई बन्धक बनाइएको हो । यसरी बन्धक बनाइएकामा लहान–१५ लग्राहाका राजकुमार सदायका छोरा १६ वर्षीय सरोज सदाय र १४ वर्षीय विजय सदाय, सप्तरी प्रीतमपुरका १५ वर्षीय ललकु सदाय र १४ वर्षीय प्रमोद सदाय तथा उदयपुर गाईघाटका १५ वर्षीय अक्षय सदाय छन् । उनीहरूलाई पछिल्लो नौ महिनादेखि परिवारसँग कुरासमेत गर्न नदिएको मुम्बईमा बन्धक परेर फर्किएकामध्येका ३३ वर्षीय जितन सदायले बताए । मुम्बई पुगेको एक महिनामै भागेर फर्किएका उनी लग्राहाकै हुन् । जितनसहित चारजना असोजमै मुम्बईबाट भागेर घर आइपुगेका थिए । तर, उनीहरूसँगै गएका पाँचजना अझै मुम्बईमै बन्धक छन् ।

उनीहरूलाई मुम्बई पुर्‍याएका थिए, लहान–१३ सरस्वती गाउँका करिब ४० वर्षीय रवि महतोले । महतोले गत १० भदौमा राम्रो काम लगाइदिन्छु भन्दै नौजनालाई मुम्बई लिएर गएका थिए । तर, मुम्बई पुगेपछि महतोले उनीहरूलाई भारतीय दलालको जिम्मा लगाएका थिए । आफू भने मोटो रकम लिएर फर्केका थिए । त्यसयता महतो लहानमै छन् । उनीमाथि उजुरी परे पनि कानुनी कारबाहीको प्रक्रियासमेत सुरु भएको छैन ।

प्रहरी भन्छ– भारत पुर्‍याउनेलाई नै किशोरहरू फर्काउन लगाउँछौँ

Arus
Karnali Traders

इलाका प्रहरी कार्यालय लहानका प्रमुख प्रहरी नायब उपरीक्षक भेषराज रिजालले रवि महतोविरुद्ध प्रहरीमा उजुरी परेको बताए । भारतमा फसेका किशोरका सम्बन्धित परिवारले मौखिक उजुरी दिएका आधारमा महतोलाई निगरानीमा राखिएको उनको भनाइ छ । ‘ठेकेदारका रूपमा दलित किशोरलाई भारतमा पु¥याउने काम गर्दै आएका रविलाई नै उनीहरूलाई नेपाल फर्काउन लगाउँछौँ,’ रिजालले भने, ‘दुई साताभित्र पाँचजना किशोरलाई फर्काउन भनेका छौँ ।’ फसेका किशोर उद्धार नभइन्जेल कानुनी कारबाही गर्दा उद्धारमा अझ जटिलता आउने देखेर महतोलाई निगरानीमा राखिएको उनले बताए ।

Nepali Khaja

भागेर फर्केका जितन सदाय भन्छन्–राम्ररी खानसमेत नदिई दाससरह काममा जोताए

मुम्बईमा आफूहरूलाई ‘दाससरह’ काममा जोताइएको र परिवारसँग सम्पर्क गर्न नदिइएको भागेर फर्केका जितन सदायले बताए । आफूहरूलाई ट्रकबाट ल्याइएको सामान अनलोड गर्न लगाइएको उनको भनाइ छ । ‘बिहान ५ बजेदेखि मध्यरातसम्म काममा जोताइयो,’ उनले भने, ‘खान पनि राम्रोसँग दिइएन ।’ उनले ज्यान बचाउनकै लागि आफूहरू भागेको पनि बताए । ‘तीन महिनाकी गर्भवती श्रीमतीसहित दुई छोरीहरूलाई घरमा छोडेर गएको थिएँ, राम्ररी खानसमेत नदिई काममा जोताउन थालेपछि असोजमै हामी भाग्यौँ,’ उनले भने, ‘रेलको टिकट काट्ने पैसा नहुँदा दुई दिन ट्रकमा लुकेर आयौँ ।’
-नयाँ पत्रिकाबाट

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.